Епидемиологот д-р Драган Даниловски во интервју за Канал 5 посочи дека доколку се воведе тринеделен карантин тоа ќе го спречи есенскиот бран, но ќе донесе економска катастрофа во Македонија.
– Карантин во траење од две до три недели би го спречил есенскиот бран на коронавирусот, но би довел до социјална и економска катастрофа, ќе се случи невработеност, па и глад, да не бидам патетичен, проблеми со менталното здравје, ќе се соочиме и со епидемии од друг вид. Не смееме да дозволиме мерките да предизвикаат поголема штета од проблемот заради којшто се преземаат и затоа мораат да бидат дозирани, вели Д-р Драган Даниловски.
Според него клучот за спасот е во почитувањето на мерките, што мора да бидат дозирани, за да не се создадат други проблеми.
– Капацитетите на болниците ќе се прошират, ама, дали, за еден месец од сега, ако заразата се шери со исто темпо, ќе има кој да ги лекува болните е отворено прашање, потенцира Даниловски.
