Кафето може многу да влијае на плодноста. Мажите кои секој ден пијат две шолји кафе или чај имаат двојно поголема шанса да ја оплодат партерката. Експертите велат дека причина за тоа е што кофеинот влијае на две важни хемикалии: АТП и ГТП.
-Кофеинот спречува тие да се растураат и и дава повеќе енергија на спермата, така што сперматозоидите побрзо и подолго ќе пливаат, вели професорката Шена Луис од кралскиот универзитет во Белфаст.
Една студија на Јунис Кенеди Шривер, национален институт за детско здравје, покажа дека жените кои често пијат алкохол имаат 26 проценти помалку шанси да забременат.
Телото ве предупредува: Пет знаци дека претерувате со кафе
Ако се прашувате дали пиете премногу шолји кафе на ден, на добар пат сте да добиете позитивен одговор. Кафето нуди многу придобивки, но како и се друго, доколку се консумира во големи количини има негативни последици, за жал по нашето здравје.
Многумина не можат ни да го замислат животот без кафе, особено наутро. Сепак, прекумерното пиење кафе, посебно ако често пиете и газирани или енергетски пијалаци кои содржат кофеин, може да предизвика предозирање и зависнот.
Срцето ви е во петта брзина
Ако ви лупа срцето и прескокнува откако сте се напиле кафе, постои голема веројатност за тоа да е крив токму кофеинот. Некои луѓе се чувствителни и на помала количина кофеин.
Се чувствувате немирно и анксиозно
Можеби тоа го предизвикало утринското кафе. Некои луѓе се многу чувствителни на кофеин и почнуваат да чувствуваат немир, раздразнетост и анксиозност и по една шолја кафе со кофеин. На некои им смета дури и бескофеинското кафе.
Не можете да заспиете
Ова е причина зошто луѓето пијат кафе додека се уморни. Кофеинот го подига нивото на адреналин, па можете да се чувствувате поенергични и да не ви се спие. Тоа особено може да помогне во понеделник наутро кога ви треба екстра енергија.
Чувствувате глад
Некои луѓе се трудат со помош на кофеинот да го намалат апетитот, но пиењето кафе всушност може да има спротвен ефект. Кофеинот ја зголемува работата на хормонот кој пак, го зголемува чувството на глад.
Мислите дека не можете без кафе
Доколку помислата да се откажете од своето утринско кафе кај вас предизвикува благ напад на паника, тоа не е знак дека сте зависни? Сепак, не се трудете да пресечете нагло, обидете се да го намалувате внесувањето на кафе постепено, малку по малку, инаку може да ве изненади силен умор и главоболка.
