Една искрена прегратка од драг пријател или партнер може да има силно влијание на нашето тело. Исто како смеењето, научниците откриле дека и прегратката може да ни донесе поволности.
Истражувањата покажуваат дека прегратката дури може и да помогне при лечењето на различни физички болести, како и да го ублажи чувството на осаменост, депресија, анксиозност и стрес.
Во истражувањето спроведено на Универзитетот во Северна Каролина, истражувачите откриле дека прегратката го зголемува нивото на окситоцинот и го намалува ризикот од срцев удар, го намалува крвниот притисок и нивото на стрес.
Предностите на прегратката
Луѓето се социјални битија, а за тоа сведочат и многу истражувања покажуваат дека луѓето кои оддржуваат блиски пријателски и љубовни врски се психички и физички поздрави.
Истражувањата покажуваат дека искрената прегратка, кога две срца се притиснати едно до друго, ги имаат овие предности:
Прегратката гради доверба и чувство на сигурност. Тоа помага при отворената и искрената комуникација.
Долгите прегратки го подигнуваат нивото на серотонин, хормонот одговорен за добро расположение и општото чувство на среќа.
Прегратката го зацврстува имунитетот.
Прегратката ги опушта мускулите и напнатоста во телото. Прегратката може да ја ублажи болката.
Добрата прегратка го намалува нивото на кортизолот, хормонот кој го регулира стресот.
Прегратката може инстантно да го поправи нашето расположение.
Прегратката е потполно бесплатна!
