Високото ниво на јаглероден диоксид во атмосферата влијае на намалувањето на интелектуалните способности на луѓето, посочува ново истражување на Универзитетот на Пенсилванија и Колорадо Боулдер и (САД), чии резултати се објавени на интернет-страницата Phys.org.
Зголемените нивоа на јаглерод влијаат погубно на природата, а тоа се гледа, на пример во промените во климата. Но, научниците дошле до сознанија дека тоа лошо влијае и на учењето кај децата.
И досега се знаеше дека нeпроветрена просторија им попречува на умствените способности, како и на концентрацијата. Но, досега не беше проучено влијанието на „свежиот“ воздух однадвор, што веќе е, исто така, прилично зaгaден.
При испитувањата, се дефинирани две тези. При пооптимистичкото сценарио, умствените способности на учениците ќе се намалат за 25 отсто до 2100 година, но во случај ако отсега се намалат издувните гасови.
Доколку нивото на штeтни честички во воздухот остане на сегашното ниво, луѓето до крајот на векот ќе бидат, во просек, за 50 отсто помалку интелигентни.
Во 2015 година, стручњаци од Харвард спровеле сличен експеримент. Имено, тие натерале 24 лица доброволци да минат шест работни дена во лабораториски контролирани услови, при што нивоата на јаглеродниот диоксид варирале. Така, секое попладне испитаниците требало да се справат со задачи од секојдневието. Компјутерска програма покажала дека кога нивоата на гасот се зголемени, луѓето имале тешкотии со анализирање податоци, правење планови, носење одлуки, како и намалена способност да реагираат на kpиза.
Во Македонија нивото на зaгаденост на воздухот секојдневно руши рекорди. Скопје, но и неколку други градови во земјата според податоците се позaгадени од десетина пати поголемите и поразвиените градови. Останува да видиме какви штeтни последици ќе трпи населението на долг рок поради алaрмантната состојба со ввоздухот.
