Единствен виновник за се ова што и се случува на Македонија, без разлика на етникумите кои живеат во Република Македонија има име и презиме, а тоа е Зоран Заев, истакна денеска претседателот на ВМРО-ДПМНЕ, Христијан Мицкоски во гостувањето во Телевизија Алсат-М.
Вели дека не се точни обвинувањата за националистички пароли и скандирања на протестите на ВМРО-ДПМНЕ. Мицкоски посочува дека на двата протести кои партијата ги организираше во последниот период не беа забележани такви работи.
-Кога имало во минатото, јас сум бил сведок, и во тој период бев дел од Извршниот комитет, на еден или два протести, кога се слушнале такви извици, ние како политичка партија сме се оградиле од истите, рече претседателот на ВМРО-ДПМНЕ.