Премиерот Зоран Заев на вчерашната трибина на СДСМ „На прав пат“ што се одржа во Велес, освен пофалби за сработеното на Владата, упати и кpитиkи до правосудсниот систем. Тој пред велешани вети дека ќе има целосен ветинг на судиите и обвинителите, со цел да се расчисти со коpумпираните во нивните редови.
Рече дека многу малку случаи кои ги отвори Специјалното јавно обвинителство имаат судска разрешница, а особено го нагласи предметот „Траекторија“, за кинеските кредити за автопатите Миладиновци-Штип и Кичево-Охрид.
Пред неколку дена Кривичниот суд донесе одлука да го запре судењето за Груевски поради застареност на делото, а државата да му ги плати судските трошоци. За останатите обвинети судскиот процес ќе продолжи.
-Груевски се cпаcил со застареност за кинеските кредити. Додека јас дишам Груевски нема да се спаси. Нема да се спаси заради тоа што предметот е жив. Предметот ќе тече, ќе се донесат одлуки. Ќе се дознае целата вистина и на крајот ќе си одговараат сите. Јас верувам дека Груевски е главата на ова дело, заради тоа што тие 5 посто, тие 15 милиони евра провизија, ги договорил, ги организирал и ги земал тој. Јас сум го слушнал ова, но судот треба да го докаже, рече Заев.
