Зоран Заев во „легендарното“ гостување на албанската телевизија „ТВ 21“ околу која кружеа голем број на интриги во врска со сопствеништвото и начинот за финансирање на истата, покрај многуте понижувања кои што ги изрече на сметка на македонскиот народ како што е квалификацијата за „грдото лице на македонецот“ и веќе потврдениот од него став за двојазичност на целата територија на Македонија, тој додаде и дека за иден министер го подготвува про-исламистичкиот фундаменталист Едмонд Адеми за министер
Едмонд Адеми е член на ИО одбор на СДСМ и близок соработник на Оливер Спасовски, кој за време на протестите на опозицијата преку својот фејсбук профил повикуваше на насилства и пролевање на крв на улиците. „Дур не се пролее крв по улици, ниту режим паѓа, ниту слобода се стекнува!“ , беше еден од неговите статуси, кој беше осуден од целокупната јавност.
За разлика од граѓаните, Заев за Адеми има сосема друго мислење:
„Благодарам на прашањето, јас можам да ви наведам и неколку имиња кои што ќе бидат министри во идна Влада, Едмонд Адеми е еден од тие заради тоа што ми е прв соработник, пример го кажувам директно, член на извршен одбор на партијата, навистина високо котира иако гледате дека кај нас органите и телата гледате како транспарентно ги носат одлуките. Огромни се неговите шанси тој е еден од 18 члена кој што одлучуват кај нас во партијата, со него зборувавме да бидеме робусно влезени во егзекутивата.“ рече Заев.
Имено, Едмонд Адеми важи за близок до про-исламистичката фундаменталистичка иделогоја, што на неколку пати беше потврдено. Имено, Адеми безусловно застануваше во поддршка на насилствата по улиците, но и бил жесток при партиските расправии во врска со листите за кандидати на партијата. Неговиот проблем бил што немало Албанец на клучно место на листите, а како што дознаваме Адеми се заканил до раководството на партијата дека „нема лесно да поминат“. Неколку дена подоцна, Заев јавно на телевизија му вети министерско место.
Адеми како и Зекири исто така се поврзуваат и со скопското криминално подземје, но и како врска помеѓу Заев со криминално-терористичкото подземје во Косово. Неодамна беа објавени и фотографии од тајните средби на кои токму Зекири преговарал со познати и осудувани криминалци и терористи од Косово, како и оџи кои го пропагираат вахабизмот.
Не е прв пат во СДСМ високо да котираат луѓе со антидржавни и антимакедонски ставови. Останува непознато дали Заев има намера да го постави Адеми на министерската позиција во МВР, и да ја исполни долгогодишната желба на криминално-терористичкото подземје во Македонија, конечно да завладеат и со полицијата.
