Не толкувам туѓи изјави како таа на пратеникот Реџепи дека очекувал да го стави својот потпис до пратениците на ЛДП, а не на Левица, јас и мојот колега од ЛДП не добивме никаков предлог да се приклучиме кон иницијативата за гласање недоверба на Владата, рече пратеничката од ЛДП Моника Зајкова во гостувањето на Телма.
-Треба да почекаме да дојде четврток и треба да ја стабилизираме состојбата, премногу долго се разговара за оствката на Зоран Заев и треба да биде затворена тема, консултациите сеуште течат, премиерот ќе си замине и за нас е важно да имаме нов лидер со визија и да го одржува и мнозинстовото, дополни таа.
Пратеникот Скендер Реџепи – Зејди во синоќешното гостување во дебатниот магазин „Click Plus“ рече дека бил прелажан бидејќи Зијадин Села му рекол дека не доаѓа во предвид Левица да биде дел од ова мнозинство и дека тој тргнал да ја потпишува иницијативата бидејќи мислел дека во тоа мнозинство ќе бидат БЕСА и ЛДП, а не Левица, а потоа се премислил.
