Во полициска станица се појави маж кој е во домашен притвор во Италија, барајќи од властите да го затворат бидејќи неговиот живот со сопругата дома е неподнослив, објави денеска италијанската полиција.
Албански државјанин (30) кој живее во Гвидонија Монтечелио, надвор од Рим,„повеќе не можел да се носи со присилниот живот со сопругата, се вели во соопштението на полицијата.
Револтиран од ситуацијата претпочитал да избега од домашен притвор, се обратил во полиција за да го замоли да ја отслужи казната зад решетки, се додава во соопштението.
Човекот беше во домашен притвор неколку месеци поради дрога, а му остануваат уште неколку години до отслужување на казната, изјави капитенот Фанческо Џакомо Феранте од карабинерите на Тиволи, пренесува Танјуг.
Поврзано
- Advertisement -