И АКТЕРОТ ЉУТКОВ СО ПОДДРШКА: Никој нема ништо против Албанците, но Македонија си е убава таква каква што си е!

- Advertisement -

Мојот апел до сите политички партии и до сите политичари кои имаат остра реторика против Македонија е- ако толку ја сакаат Македонија, нека ја отфрлат идејата за шминкање на лицето на Македонија. Таа има свои бои и симболи, убава е таква каква што е, наша си е заедничка, истакна актерот Зоран Љутков, кој и вечерва даде поддршка ЗА ЗАЕДНИЧКА МАКЕДОНИЈА.

-Ниту јас, а верувам ниту еден од вас нема ништо против Албанците кои живеат во Македонија. Тие се дел од нашата историја и од нашата иднина, како и сите други малцинства, ако сакаме да живееме во здрава и просперитетна Македонија, тогаш треба да бидеме разумни во барањата. Да се бориме само за една цел- ЗА ЗАЕДНИЧКА МАКЕДОНИЈА, додаде Љутков.

Ги осуди и сите изјави кои имаат говор на омраза.