„Постојано сум бил поборник на ставот дека здравјето на граѓаните, општата здравствена состојба во земјата треба да биде на прво место. Затоа оваа многу значајна статистичка активност е потребна, но не може да биде над прашањето на здравјето на луѓето“, изјави новиот Народен правобранител, Насер Зибери во интервју за Сител.
Зибери рече дека претставките кои ќе дојдат од граѓани кои ќе бидат казнети зашто поради страв од коронавирусот нема да ги примат попишувачите дома ќе бидат анализирани.
„Ќе ги истражувани сите елементи на претставката и доколку бидат основани, истите ќе се процесуираат“.
Тој смета дека доколку епидемиолошката слика се влошува, надлежните органи треба да размислуваат за промена на времето за одржување на пописот за граѓаните да не се доведат граѓаните во ситуација да не отвораат врата за попишувачите.
