Музејот на восочни фигури во Лондон „Мадам Тисо“ соопшти денеска дека ги раздвоил восочните фигури на американските актери Анџелина Џоли и Бред Пит, откако холивудската двојка објави дека се разведува.
-Реагиравме брзо на вчерашните вести за разделувањето на Анџелина Џоли од Бред Пит и нивниот план да се разведат па ние тоа и го направивме во музејот, рече портпаролката на Мадам Тисо.
Восочните фигури на Џоли и Пит се поставени во 2013 година, а сега се на пристојна оддалеченост еден од друг.
На Џоли сега и прави друштво Никол Кидман, додека Пит е покрај својот колега со кој глумеше во повеќе наврати, Морган Фримен.
Џоли поднесе барање за развод на бракот во понеделникот во Вишиот суд во Лос Анџелес наведувајќи ги како причина непомирливите разлики, покажуваат судските документи.
