„Бомбата“ што ја објави денеска пратеникот Антонио Милошоски предизвика бура од реакции. Некои велат за вакво нешто „се оди до полиција на неколку часа разговор“. Како што кажа Милошоски ова е аудио бомба која е од висок јавен интерес, доставена од свиркач, на која се препознава гласот на екс-премиерот Зоран Заев, како објаснува договарање со судии и обвинители.
На youtube каналот каде што е објавена оваа снимка, наведено е дека се работи за состанок во мај 2019 година на кои се присутни З.З., едно лице опфатено во случајот рекет и НН лице. Аудио снимката укажува на грубо мешање на извршната во судската власт, како и одлучувачката контрола на извршната власт врз работата на обвинителството во државата.
Аудио бомбата која Антонио Милошоски ја објави покажува дека Заев се слушал со Јово Вангеловски претседател на Врховниот суд за да паднат одредени предмети. Тој признава дека иако го критикувал Јово со него се блиски и дека Катица Јанева знае дека ќе паднат предметите и така ги тера случаите од СЈО.
Овој разговор кој е од висок јавен интерес, директно го поврзува екс премиерот Зоран Заев со „Рекет“, бидејќи Катица Јанева знаела за одлуката на Врховен во полза на Империја и дека рекетот е наплатен за таа одлука божем работата ја завршила Катица. А Заев се фали дека работата пред Врховен ја завршил тој.
