Денес претседателот на ВМРО-ДПМНЕ, Христијан Мицкоски, беше во Гостивар, каде одговараше на новинарски прашања. Прашање: На прашањето за неговите очекувања од лидерската средба која се очекува да се одржи во недела, тој одговори:
Одговор: Јас повторно ќе кажам и ќе го повторам она што го кажав на почетокот од денешниот настан. Очекувам и да се премисли до утре бидејќи станува збор и за Зоран Заев, знаете кај него и работите се менуваат на часови во основа. Но ајде да претпоставиме дека овој пат ќе биде конзистентен и очекувам да го слушнам предлогот, да видам што подразбира под тоа брзи предвремени парламентарни избори. Па дури потоа би можел да дадам одговор на ваквото прашање. Законот е јасен, се знае што значи парламентарни избори, што значат закони во парламентарни избори итн. Треба тоа едноставно да се испочитува и веднаш да ги распишеме и да формираме техничка влада, технички премиер и да одиме на предвремени парламентарни избори.
