Иако речиси сите во државава имаат своја „онлајн“ или интернет сметка на која можат да ја проверат состојбата на својата банкарска сметка, поголемиот дел сепак тоа го прави пред на подигнувањето на средствата од банкоматите.
Комерцијална банка почна да наплаќа проверка на состојба на сметката на дебитна картичка на банкомат (АТМ). Како што стои на самиот банкомат, после 3 бесплатни проверки на сметката во текот на еден месец, четвртата и секоја наредна ќе ве чини 20 денари.
Комерцијална банка АД Скопје е една од најголемите банки во Македонија. Таа е универзална банка со широк спектар банкарски активности, почнувајќи од прибирање депозити, одобрување кредити на правни и физички лица, услуги во домашниот и во меѓународниот платен промет, до посредување во купопродажбата на девизи, хартии од вредност, форфетирање и друг. Седиштето на банката се наоѓа на Кеј Димитар Влахов бр. 4, 1000 Скопје.
