Авионот во кој леташе Емилијано Сала од Нант во Кардиф беше пронајден во неделата на дното на морето во англискиот канал, а во текот на вчерашниот ден беше откриено и неидентификувано тело.
Сала пред две недели исчезна по што почна голема потрага по него, но властите се откажаа затоа што не пронајдоа ништо, а потоа семејството собра пари од донации и реши само да почне приватна потрага, која на крајот вроди со плод.
По потврдата дека во авионот има тело, сестрата на Сала објави емотивна порака на Инстаграм, а по неа и еден пријател, чија фотографија го „скрши“ срцето на пошироката јавност.
Еден од пријателите на Сала објави фотографија од неговиот дом, а во центар на внимание беше кучето на Сала. Тоа веќе две недели седи покрај прозорецот и го чека сопственикот, односно Сала да се врати, но најверојатно такво нешто нема да дочека.
