Денес македонскиот народ излегува на семакедонски протест за правда на уставобранителите. Протестот е организиран Македонците од целиот свет, а по повод годишнината од настаните во Собранието на Македонија на 27 април.
Семакедонскиот протест започнува со собирање на учесниците пред Владата од 11 часот. Маршот од пред Владата тргнува во 12 часот, а оттаму ќе се движи по булевар “Даме Груев”, Булевар “Димитрие Чуповски”, Булевар “11 Октомври”, до Собранието на Македонија во 13 часот.
Протестот ќе биде без партиски обележја и политички говори.
Организаторите на Семакедонскиот протест апелираат до сите учесници да се придржуваат на протоколите за време на пандемија, носење маски и на пропишана дистанца, како и на почитување на неповредливоста на имотите и неприкосновеноста на животите. Организаторите се оградуваат од навредливи скандирања и транспаренти на етничка и верска основа.
