Другарот на Шеќеринска, Шапуриќ пријавил 200 илјади евра кеш без да го наведе изворот во својот анкетен лист, можеме само да замислиме колку има непријавени.
Откако СДСМ ја формираше владата минатата година, најактуелна тема во медиумите беше богатсвото на новите министри и нивните анкетни листови доставени до државната Комисија за спречување на корупција. Скромните пресметки велеа дека Владата на Заев тежи неверојатни 38 милиони евра и е убедливо најбогатиот состав на владата до сега во Македонија. Кочо Анѓушев со неговиот имотен лист беше главната свеѕда за на тогашните медиумски наслови, но голем број на министрите со завидливо богатство останаа не забележани.
Таков е случајот со министерот без ресор задолжен за привлекување на странски инвестиции и подобрување на инвестициската клима, Зоран Шапуриќ. Шапуриќ стана повторно актуелен во медиумите со скандалот со фантом невладината организација Мултикултура која доби грант од 400 илјади денари од министерството за одбрана, невладина чиј управен одбор членува лично тој. Имено во случај на класична злоупотреба на службена должност Шапуриќ заедно со неговата наевладина доби 400 илјади денари грант од својата колешка министерка во владата Радмила Шеќеринска.
Министерот Шапуриќ во неговиот анкетен лист кој го има доставено до државната Комисија за спречување на корупција има запишано дека поседува околу 200 илјади евра во кеш на своите банкарски сметки. Покрај огромните суми на пари кои ги поседува на своите банкарски сметки, а за кои го нема напишано потекло на парите, тој поседува и завиден недвижен имот. Тој поседува стан од 80 квадратни метри во Скопје, со вредност од 2.850.000,00 денари или 46.300 евра, заедничкиот стан од 35 квадратни метри се наоѓа во Скопје и вреди 18 илјади евра, додека станот кој, исто така, е на негово име, но е речиси двојно помал од претходниот, со 45 квадратни метри, вреди 1.950.000 денари или 31.700 евра. Како личен имот има пријавено акции со вкупна вредност од 329 илјади денари или 5.350 евра
