Ангела Меркел дефинитивно го изгубила трпението. „Мора да бидеме уште построги, во спротивно ќе се вратиме таму каде што бевме пред 14 дена“, рекла Меркел.
Колку канцеларката го изгубила трпението покажува нејзината реакција на сè уште големата желба за патување на жителите на Германија.
„За Божиќ, 50.000 летнаа кон Канарските Острови и Малдивите“, наводно, рекла таа за време на конференцијата.
Покрај тоа, таа забележала: „Сто пати прашав зошто таквите патувања не можат едноставно да се забранат? За потоа да добијам одговор, како да е измислен за поранешните граѓани на ГДР: дека Германија е слободна земја“.
Ако тие зборови навистина биле изречени на конференцијата и ако канцеларката навистина добила такви одговори од покраинските премиери, таа со право била налутена.
Поборниците против мерките, од кои некои се десни екстремисти, сакаат да се повикуваат на биографијата на Ангела Меркел , која е од ГДР кога ги осудуваат ограничувањата на граѓанските права, предизвикани од пандемијата, што тие ги сметаат за неразумни.
Вознемирувачки знак е кога канцеларката, чии силни нерви станаа легендарни во бројни преговори на различни теми, дека ја изгубила присебноста.
Сепак, многу покраински премиери, со кои Меркел мора да преговара, сакаат да бидат реизбрани, знаат дека луѓето се уморни од пандемијата и копнеат за олеснување на мерките.
Меѓутоа, на крајот од мандатот, Меркел не сака да остане запаметена како канцеларка која не успеала да ги надмине последните метри како премиер поради пандемијата. И тоа откако ја надмина финансиската криза, а потоа и тешките спорови околу приемот на бројни бегалци есента 2015 година и во годините што следеа.
