Ако толку имаат големо срце за да примаат илјадници или стотици Авганистанци нека ги примаат дома, дециден е потпретседателот на ВМРО-ДПМНЕ Владо Мисајловски во вечерашното интервју во Централниот дневник за МРТ.
Мисајловски смета дека Македонија е сиромашна земја која се соочува со голем број на мигранти, укажувајќи дека ние како држава треба да помагаме, како и дека голем број на европски држави не примаат толку голем број на бегалци, односно како што рече тој дали ова е умилување од страна на власта останува да се види.
Македонија е земја каде што навистина има сиромаштија, каде што се справуваме со еден куп проблеми. Секоја недела слушаме се повеќе и повеќе бројки на бегалци, на мигранти. Ние сме држава која што треба да помага, но со толку големи бројки да бидете пред европските држави кои не примаат толку многу бегалци. Дали мораат дали е некој политички притисок или умилување кон некого, останува да видиме. Но да кажуваат дека само они имаат срца, а целиот народ нема срца сметаме дека не е добро, заклучи Мисајловски.
