Остварив средба со Ангелина Ајкхорст, директор за Западна Европа, Западен Балкан и Турција и Џеновева Руиз Калавера, директор на генерален директорат за добрососедски односи и проширување и Самуел Жбогар, амбасадор на Европската Унија во Република Македонија – напиша на својот Фејсбук, лидерот на ВМРО ДПМНЕ, Христијан Мицкоски.
Тој информираше дека се разговарало за актуелната политичка состојба, како и за европската преспектива на Република Македонија.
Потенцирав дека стратешка цел и приоритет на ВМРО-ДПМНЕ е полноправно членство на Република Македонија во европското семејство- напиша Мицкоски.
Понатаму Мицкоски напиша:
Ги информирав соговорниците за високиот степен на корупција како и за криминалните скандали во кои се инволвирани претставници од власта, но и СДСМ, укажувајќи дека овие скандали мора да имаат правна разрешница доколку сакаме да има владеење на правото и правна држава.
Изразив загриженост и во делот на реформи бидејќи, Македонија има најслаб резултат во полето на реформите кои што се од суштинско значење за понатамошен развој на државата, додавајќи дека оваа владата на СДСМ и Заев немаат капацитет да ги спроведе потребните реформи.
Соговорниците се согласија дека клучен непосреден приоритет и интерес на Република Македонија е започнување на пристапните преговори што е можно побрзо како и понатамошна соработка на ВМРО-ДПМНЕ со високите европските претставници – нагласи Мицкоски на Фејсбук.
