Воените авиони на воздухопловните сили Италија и Грција, во соработка со воздухопловните сили на Армијата на Црна Гора, ќе почнат денеска, на 5 јуни, редовно да патролираат над црногорскиот воздушен простор и да го заштитат, изјавија од Министерството за одбрана на Црна Гора.
По тој повод, како и по повод првата годишнина од членството на Црна Гора во НАТО ќе биде организирана пракса на приземјување “авиони-натрапниците”, пренесува РТЦГ.
Според изјавата, заштитата на воздушниот простор е една од “најважната форма на директни бенефиции на членството” на Црна Гора во НАТО и Црна Гора ќе добие поддршка од сојузниците во заштитата на воздушниот простор, преку мисијата на НАТО која не е од воен карактер.
Мисијата за контрола на воздушниот простор е задолжена за заштита на небото на сојузниците, кои немаат свои воздухопловни сили, но низ цела Европа во моментов постојат неколку такви мисии.
Авионите на Италија и Грција од 2009 година го штитат воздушниот простор над Албанија, додека Белгија, Холандија и Луксембург заеднички го штитат сопствениот воздушен простор.
