Албанската полиција на граничниот премин Морина, на албанско – косовската граница, кај Кукс, уапси македонски државјанин баран со меѓународна потерница издадена од македонските власти.
Според полициското соопштение, по М.А.(32) била распишана меѓународна потерница за кривично дело „рабојништво“.
-За време на обработката и верификацијата на податоците во системот, при влез на албанска терторија, М.А.(32) се покажа како меѓународно бараното лице од Интерпол Македонија, откако Обвинителството на Кичево, Македонија, издало меѓународна потерница за него, за кривично дело „разбојништво“, соопштува полицијата.
По истражните дејствија, Секторот за истрага на криминал во Кукс издал налог за привремено апсење, а во соработка со Обвинителството на Кукс и Интрепол Тирана се преземаат со закон предвидените активности, по што М.А. ќе биде екстрадиран во македонската држава, врз основа на „Европската конвенција за екстрадиција“ од 1957. Минатиот месец албанската полиција на истиот граничен премин со уапси македонскиот државјанин Р.М.(25), жител на Скопје, баран со меѓународна потерница издадена од австриските власти, за кривични дела-разбојништва.
