Претседателот на ССМ, Дарко Димовски, во интервју за РСЕ зборуваше за проблемите со кои се соочија и сѐ уште се соочуваат раборниците откако започна кризата.
И покрај ветувањето на тие работодавачи дека ќе ги дадат субвенции за првите месеци од кризата, кога ни беше најтешко, баш напротив, се кријат, не креваат телефони и немаат абер да го направат тоа, вели претседателот на Сојузот на синдикатите на Македонија, Дарко Димовски во интервју за Радио Слободна Европа.
Од почетокот на ковид – кризата, работниците најмногу се жалат дека добиваат договори на определено време, кои како што вели Димовски, се злоупотребуваат од работодавачите, бидејќи тие може да се склучуваат најмногу до пет години. Димовски вели дека за да се спречи ова мора да се смени Законот за работни односи на што веќе се работи.
Злоупотреби се случуваат и при исплаќање на платите од страна на фирмите кои добиле финансиска помош од државата. На работниците им се даваат само тие 14 500 денари како плата, иако работниците треба и останатиот дел од платата според договорот што го потпишале да го добијат од фирмата, појаснува Димовски.
Димовски додава дека работодавачите се кријат, не креваат телефони и немаат абер да ги исполнат своите законски обврски кон работниците.
Дополнителен проблем е што дел од работодавачите не го исплаќаат ниту овој дел од субвенциите.
Целото интервју на претседателот на ССМ за РСЕ може да го проследите тука.
