Потпретседателот на ВМРО-ДПМНЕ и носител на листата за пратеници во изборната единица 4, каде што ќе се соочи директно со Зоран Заев во неговиот роден град Струмица, на ФБ му одговори на лидерот на СДСМ по неговиот коментар дека во Струмица тој (Заев) и СДСМ ќе „газеле“.
Вчера имав прекрасен ден во Струмица, а денес во Гевгелија, илјадници луѓе очекуваат и ќе донесат обнова на Македонија! Знам дека и Заев знае за тоа. Стига аберот брзо и добар и лош. Заев во напад на паника од извесниот пораз очајно вели дека ќе ме згазел во Струмица. Некој сигурно ќе биде згазен, а тоа нема да сум јас… Она што исто така е сигурно е дека народот ќе го згази Заев на 15ти јули заради сите понижувања, криминал и неправди кои му ги нанесе! – напиша Николоски на својот ФБ профил.
