Секој ден во Тетово и Гостивар и околните села се зголемува бројот на кучињата скитници. Повеќето од нив се преносители на разни заразни болести – велат лекарите од тетовскиот ургентен центар каде за само една недела, хоспитализирани биле две лица каснати од кучиња-скитници, пренесува Алсат.
“Ако кучето е веќе болно од беснило, тогаш ризикот за каснатиот човек е околу сто отсто да умре. Минатата недела имавме два случаи. Првично, ги лекуваме во Тетово,по што ги пративме на инфективна каде добиваја антитетанус терапија и заштита од беснило”, вели лекарот Арменд Сејдини.
Гостивар веќе има формирано центар за кучиња скитници. Во Тетово се уште нема ваков стационар.
“Веќе го изградивме центарот за стерилизација и кастрација на кучиња. Тоа е во касарната на градот и чекаме дозвола да почне со работа”, рече Арбен Таравари, градоначалник на Гостивар.
“Управата за менаџирање на полошкиот регион работи на проект да се најде регионално за кучињата скитници и според информациите што ги имам, следниот месец ќе биде отворен тендер за формирање центар за собирање на кучиња“, рече Џелал Цека- Директор на ЈКП “Тетово”.
Жителите велат дека општините треба да преземат итни мерки.
“Има, многу има, надлежните треба да ги отстранат кучињата. Треба да ги фатат, да ги хранат некаде, а не да ги остават на улица”.
“Децата се плашат од кучиња. Тие треба да се отстранат и да ги однесат некаде, но се чини дека надлежните не се интересираат за ова”, реагираат жителите.
И во канцеларијата на ТВ “Алсат” во Тетово, често се пријавува бело комбе со скопски регистраски таблички, како на влезот на градот пушта кучињата скитници. Полицијата е известена и го истражува случајот.
