Нов скандал го тресе Министерството за одбрана и министерката Радмила Шеќеринска -Јанковска. Согласно постоечките планови за ротација на Командата на Бригадата на Југоисточна Европа (SEEBRIG), предвидено е Командата на бригадата од Грција (каде што е во моментов), да биде преместена во Република Македонија и ние да бидеме домаќини, почнувајќи од мај 2020 година. Бидејќи станува збор за мултинационална бригада (Грција, Турција, Бугарија, Романија, Албанија и Македонија) за неа се потребни посебни услови за функционирање (близина до аеродром, до автопат и сл.), но и функционален објект.
Првичната замисла бригадата да се смести во Скопје, во близина на Воената болница, министерката ја отфрлила и за седиште на Командата одредила еден руиниран објект во касарната во Куманово. Идејата била објектот да се реновира и да се доведе во функционална состојба пред месец февруари 2020 година, кога се очекува да дојде претходницата на бригадата. Меѓутоа, тендерот за реновирање на руинираниот објект пропаднал и доаѓањето на мултинационалната бригада сега е доведено под знак прашалник. Шеќеринска се обидела овој скандал да го замаскира со тоа што побарала од грчката страна Командата на бригадата да остане уште некое време во Грција и да не доаѓа во Македонија бидејќи сеуште не бил спремен објектот!!! Ваквото барање од грчка страна било дочекано со подбив и смеа. Неспособноста на министерката и нејзиниот тим повторно го доведуваат во прашање кредибилитетот на министерството и на државата, особено што се работи за меѓународни договори на кои сме се обврзале и кои сме должни како држава да ги испочитуваме.
ПС. Според тврдењето на неколку мои познаници, објектот кој се наоѓа на сликата подолу, позади построените единици, е токму објектот во кој било/е планирано да се смести Командата на бригадата, пишува професорот Александар Нацев.
