Долгогодишниот шеф на обезбедувањето во Ватикан, Доменико Џани, кој воедно е и главен телохранител на Папата Фрањо, денес поднесе оставка откако во јавноста протекоа инфорации за наводни финансиски малверзации во Ватикан.
Заминувањето на Џани, кој е поранешен припадник на италијанската тајна служба, а на функцијата во Ватикан беше од 2006 година, следеше по претресот без преседан кој неговите луѓе го извршија на 2ри октомври. Со претресот беа опфатени две клучни одделенија во Ватикан, Управата за финансиски информации и Државниот секретаријат.