Денеска беа објавени нови рекорди за претстојната година. Некои мора напорно да тренираат, додека има и такви кои не треба да мрднат со прст.
Жена што може да ја прескокне косата, најбрзото куче и мачка на скутер се само дел од серијата нови извонредни рекорди во Гинисовата книга на рекорди. Денеска беа објавени нови рекорди за претстојната година, а носители на рекорди се пронајдени низ целиот свет.
Видеото погледнете го ТУКА.
Зајон Кларк (23) од Охајо стана нов рекордер откако патеката од 20 метри ја мина со две раце за 4,78 секунди. Роден е со Кадл -регресивен синдром, што значи дека е роден без нозе. Тој се запознал со борење во основно училиште. Тој се надева дека ќе стане првиот Американец што ќе настапи на двете Олимписки игри 2024 година, на Параолимпијадата како тркач во инвалидска количка и на „обичните“ Олимписки игри како борач.
Пратик Мохит од Индија е уште еден рекордер кој е олицетворение на упорност, тој стана најнискиот маж бодибилдер, висок е само 102 сантиметри. Мохит започнал да тренира откако сфатил дека ќе биде силен и фит со спортување, сакајќи да учествува дури и кога другите го сметаат за слаб.
Друга рекордерка е Летиша Кејвај (25), од Брегот на Слоновата Коска, која го држи рекордот со најмногу скокови над сопствената коса за 30 секунди.
Таа успеа да ја прескокне својата природна коса 60 пати, која ја надгради за да направи јаже. Таа е позната и по изработката на скулптури од косата, а инспирацијата ја црпи од африканската култура. Таа е и модел и актерка.
Видеото погледнете го ТУКА.
Канадското дуо, куче и мачка Лолипоп и Сашими, влегоа во рекордна историја со тоа што станаа најбрзото дуо кучиња и мачки кои поминале пет метри на скутер за 4,37 секунди. Сопственичката Мелиса Мил рече дека животните уживале во соло скутери одделно, но дека еден ден смислиле трик качувајќи се на истото возило.
Гимнастичарката Бетани Лоџ стана рекордер во дисциплината колут напред на 100 метри, која и успеа за 42,64 секунди, и рекордерката во колут назад, што ги направи пет за 30 секунди.
Пејџ Олсен има куче Лу, со најдолги уши, 34 см, додека Морган Магдони, како тинејџер, има најголеми стапала од 30,9 см. Највисокиот конкурент меѓу мажите бодибилдери е Оливер Рихтер, висок 218,3 см.
Видеото погледнете го ТУКА.
