Пред два дена во село Брњарци, општина Гази Баба искршени беа над 40 надгобрни плочи на христијанските гробишта. Неделувањето на МВР предводена од Оливер Спасовски за пронаоѓањето на сторителите е доказ дека ваквиот чин беше дел од низата заплашувања на власта со цел влевање на страв кај народот да не излегува да гласа.
Пред ова бевме сведоци на вандалски чин на 10ти Јули во кој што беа осквернавени триесетина гробови на луѓе кој животот го поминале тука и се закопани на овие простори. Поминаа скоро 4 месеци откако се случи овој чин, а резултати од истрагата на МВР, предводено од Оливер Спасовски, нема. ВМРО-ДПМНЕ неколку пати реагираше за расчистување на овој вандалски чин, но и покрај тоа Оливер Спасовски немаше слух и сторителите се сеуште неказнети и на слобода.
Според Член 400 од Кривичниот законик на Република Македонија стои дека сквернавењето на гроб преставува кривично дело кое се казнува со парична казна или казна затвор до една година.
