Министерот за надворешни работи, Бујар Османи, во денешното гостување во Клик плус демантираше дека Ахмети рекол дека се преговара за промени на химната, знамето и грбот на државата, но дека сепак, химната има еден недостатк.
„Сметам дека е несериозно пренесување на изјава, во која евоцираат разговори од пред 20,30 години, кога се разговараше за новото знаме и грбот. Нема такви преговори. Очигледно е дека прашањето на химната не е инклузивен елемент во државата, и тоа го чувствувате на спортските натпревари кога се не спојува, освен химната каде еден голем дел од граѓаните не се гледаат внатре, не се споменуваат. Ние градиме едно мултиетничко општество за кое сите ни завидуваат. Ние создадовме таква функционлана мултиетничка демократија, која што станува пример и за повеќе од регионот“, вели Османи во емисијата „Клик плус“.
