По отворениот напад на Зоран Заев кон Инфомакс на прес-конференцијата по завршувањето на конститутивната седница на Собранието на Република Македонија, реакција пристигна и од претседателот на Република Македонија, Стево Пендаровски. Од кабинетот на претседателот побаравме став за однесувањето на лидерот на СДСМ кон медиумските работници, од таму велат дека слободата на медиумите како и слободата на изразување се основни човекови права и одговорност на сите граѓани во едно демократско општество.
-Во однос на Вашето прашање, потсетуваме дека ставот на претседателот Пендаровски во однос на медиумските слободи е јавно искажан повеќе пати. Слободата на медиумите, како и слободата на изразување се основни права како и одговорност на сите граѓани и сите чинители во секое демократско општество.
Во прилог на одговорот беа содржани и низа изјави на Пендаровски во кои се осудува насилството и нападите врз новинари, што пак упатува дека Заев нема поддршка за ваквото негово недолично однесување.
