Министерот за надворешни работи на Србија, Ивица Дачиќ, изјави дека претседдателот Вучиќ и претседателот на Русија, Владимир Путин ќе се состанат на 26ти април во Пекинг на Вториот форум за меѓународна соработка „Појас и пат“.
Дачиќ за средбата извести на прес конференцијата која ја одржа заедно со Сергеј Лавров.
„Политичките односи меѓу Србија и Русија се многу добри и се наоѓаат на стратешко ниво. Посетата на претседтелот Путин беше значајна за земјата. Веќе е договорена и следната средба која ќе се одржи на самитот во Кина на 26ти април, а на 29ти ќе се одржи средба со Меркел и Макрон во Берлин“, изјави Дачиќ.