Доктор Игор Николов, член на ИК на ВМРО-ДПМНЕ на денешната дискусија на Live chat на фб страницата на ВМРО-ДПМНЕ „Затоа што секој живот вреди“, истакна дека се уште постои движење на луѓе коишто ги прeминуваат границите, тоа покажува несериозен пристап на владата кон целата ситуација и истото мора да се спречи.
-На граничните премини коишто не се отворени меѓуграничното движење постои и понатаму иако навидум границите се затворени. И тоа постоеше цело време ни се случуваше патници од Грција да доаѓаат на македонска територија, пазарат, дејствуваат, одат по ресторани ручаат и се враќаат назад и тоа го правеа на дневна основа во континуитет, вели Николов.
Докторот истакна исто така дека дека во тие делови не знаеме точнио што се случува. Истото се случува и во граничните зони со Србија, луѓето влегуваат и излегуваат и тоа може да се каже и дека продолжува понатаму. Па се соочивме со еден феномен да доколку сте патувале во Грција, кога ќе се вратите назад треба да одите во изoлaција, а за Грците беше отворена границата, тие си се движеа.
Тој вели дека ова е тотално нecериозен пристап на целата ситуација, од една страна владата вели дека се е под контрола, дека се следат границите, се запишуваат луѓето коишто се движат, а во разговор со луѓето кои се во близина на граничните региони велат дека секој прави како што сака.
Тоа ако не се спрeчи и ако не се застане во моментов милам дека сценариото нема да биде многу добро, нашата влада доцни со сите тие мерки, порача д-р Николов.