Хрватска продолжи според планот, го чекираше билетот за полуфиналето на Европското првенство, а по вечерашниот триумф над Чешка и останува уште една средба од главната фаза, мечот против Шпанија.
Но, селекторот Лино Червар се соочува со голем проблем. Еден од подобрите ракометари е повреден. Лука Циндриќ не настапи против Чешка, а под знак прашалник е за мечот со Шпанија. Од таборот на харватската селекција се надеваат дека ќе биде фит за полуфиналето.
„Циндриќ има проблем со зглобот. Ќе видиме дали ќе биде подготвен за Шпанија, ако не ќе го чуваме за полуфиналето, до тогаш треба да биде подготвен“, изјави помошникот на Червар, Хорват.
Норвешка, една од перфеткните селекции на овој шампионат во продолжение остана без помошта на Магнус Ред. Десниот бек на Фленсбург заработи незгодна повреда на скочниот зглоб и за него заврши Европското првенство.
