Променливо облачно со северен ветер

- Advertisement -

Времето денеска ќе биде променливо облачно со сончеви периоди. На планините ќе има услови за слаб снег. Ќе дува умерен, а наместа и силен северен ветер кој повеќе ќе биде изразен долж Повардарието, во источните делови и на планините.

Утринската температура ќе се движи од минус пет до два, а дневната од минус еден до шест степени.

Во Скопје слично време со температура од еден до четири степени.

Од утре брзината на ветерот се очекува постепено да се намалува, а со тоа ќе се овозможи и опаѓање на утринските температури. За новогодишната ноќ се очекува стабилно и суво време. Потоа во првите денови од Новата година следува период на стабилно, суво и студено време.