Пропадна конкурсот за избор на фотогорафија на која функционер од СДСМ нема да биде фотографиран со албанско знаме во некој од партиските канцеларии на партијата
Последен во низата е техничкиот министер и генерален секретар на СДСМ Оливер Спасовски, кој на овие избори трча како носител на кандидатската листа на СДСМ во изборната единица 2.
Тој заедно со неколкумината членови се фотографираше опкружен во албанска орнаментика, и знаме кое е со иста големина како и националното Македонско, што пак е прекршување на законот за знамиња во кој е предвидено знаме на друга држава кое е поставено до Македонското треба да биде 2/3 од неговата големина.
Ваквите потези на Спасовски се силно осудени од граѓаните, а во тоа тој можеше да се увери и самиот денес кога во своето родно Куманово во населбата Карпош, на митингот едвај собра 20-30 луѓе кои најверојатно беа од локалниот штаб на СДСМ.
Не е прв пат функционери на СДСМ да се фотографираат со албанското знаме во позадина, или пак во прв план. Оваа пракса ја започна лидерот на опозицијата Зоран Заев кој често може да биде забележан во штабовите на СДСМ во Чаир, Арачиново, Сарај кои освен двојазичните обележја задолжително се „опремени“ и со албански знамиња и големо-албанска иконографија.
Секако, идеен творец на „брендирањето“ на штабовите на СДСМ е радикалниот исламист и член на извршниот одбор на СДСМ Мухамед Зекири, кој редовно ги посетува албанските штабови на СДСМ и се фотографира со членството.
