Животот и безбедноста на државјаните на Русија треба да бидат заштитени од надворешни и внатрешни закани, изјави претседателот на Русија Владимир Путин на заседавањето на колегиумот на Федералната служба за безбедност на Русјиа (ФСБ)
„Живот, права и безбедност на нашите граѓани мораат да бидат заштитени од внатрешни и надворешни закани, од било какви обиди кои нас не спречуваат да ги решаваме задачите за стратешки развој“, рекол Путин.
Ситуацијата во областа на борбата против тероризмот бара постојано внимание, и тоа е една од клучните задачи на ФСБ.
„Последните години направено е многу за да се развие потенцијалот на ФСБ. Добивте најнова технологија и средства за врски, современи информациони и аналитички ресурси и го зајакнавте кадарот. Сега е важно максимално ефикасно да ги искористите овие можности за решавање на задачите кои се поставени на службата“, наведе Путин
„Клучната задача е борба против тероризмот“, истакна тој.
Путин додава дека во борбата против тероризмот борбата треба да биде активна, користејќи офанзивна тактика и дека е неопходно да се развиваат можностите за меѓународна база на податоци.
„Во изминатите шест години во Русија има помалку терористички напади. Ако во 2012. биле 316, 2014. година имаше 84, а минатата – 25“, рече Путин на колегиумот на ФСБ.
Според неговите зборови, тоа е поврзано со зголемената превентивна работа на разузнавачките служби.
„Во 2017. година спречени се 68 терористички злочини, вклучително и 25 терористички напади“, истакнал претседателот.
„Мораме да продолжиме да делуваме еднакво активно, да користиме офанзивна тактика и стратегија за борба против тероризмот и да ја подобруваме координационата улога на Националниот противтерористички одбор“.
