Владо Бучковски денеска имаше завршен збор пред судот, кој по 13 години донесе одбивателна пресуда и констатираше апсолутна застареност на обвинението за набавката на тенковски делови во 2001 година. На излегување од судот, Бучковски ги прозва судиите и обвинителите во случајот, кои како што рече, на негов грб и со монтиран политички случај си граделе кариери.
Ова што го правиме пред јавноста, давам пред се јас скромен придонес со овој предмет како може во неколку дена со сериозна анализа на овој предмет 5 судии и 5 обвинители веднаш да бидат прочистени, да покажеме на дело како може да функционира ветингот. И на сите оние кои бараат правда им даваме мотив овде да ја бараат правдата, ние 13 години овде се боревме за правда, а не од Будимпешта или Атина да чекаме да застари делото, рече Бучковски.
