Меѓународната унија за зачувување на природата предупредува дека 28 отсто од сите 138.374 видови што биле идентификувани од страна на Унијата сега се ставени на „црвена листа“, што значи дека се под висок ризик од изумирање. Бројот на видови што се под висок ризик од изумирање продолжува да расте, пренесува Си-ен-ен.
Според организацијата, 37 отсто од видовите ајкули и раи се под ризик од изумирање, а дополнителни 31 отсто од овие видови се погодени од проблеми во околината на живеење и 10 отсто се погодени од климатските промени.
Комодскиот змеј сега се смета за загрозен вид поради загуба на живеалишта како последица од човечки активности и климатски промени.
Кога станува збор за другите животински групи, процентот на видови што се загрозени од водоземците изнесува 41 отсто, кај цицачите изнесува 26 отсто, а кај птиците 14 отсто.
Обединетите нации ќе одржат конференција за климатските промени во ноември, на која се очекува да се донесат одлуки за повеќе цели поврзани со климатските промени.
