Шефицата на обвинителството за гонење организиран криминал и корупција нема коментар по соопштенијата на Апелационит суд и Судскиот совет за нејзино наводно мешање во работата на судовите, пренесува Сител.
Обвинителката Вилма Русковска, кратко за Сител изјави „Не коментирам туѓи ставови“.
Апелација и Судски совет вчера на заеднички колегиум оценија дека СМС пораката на Русковска е недолично однесување и преседан во правосудниот систем.
По одлуката на апелационите судии, за одредување домашен притвор за поранешната специјална обвинителка, Катица Јанева, Русковска на судијата Јани Нича му испратила СМС порака со содржина:
„Ако ти со советот сте ја пуштиле Катица, да знаеш дека од гаќи ќе ве истресам цел совет со финансиска истрага. Заради судии како Вас, никогаш нема во ЕУ да влеземе. Ако не е твојот совет, се извинувам“.
