Во Собранието денеска седници ќе одржат комисиите за финансирање и буџет, за труд и социјална политика и Законодавно-правната комисија.
Комисијата за финансирање и буџет ќе одржи две седници 75-та и 77-ма, на кои ќе се дискутира по Предлог – закон за отпис на камати и репрограмирање на долгови и трошоци на јавни претпријатија, Предлог-законот за изменување и дополнување на Законот за финансиска полиција и за Предлог на закон за изменување и дополнување на Законот за игрите на среќа и забавните игри, сите по скратена постапка, во второ читање.
Предлог – законот за утврдување на правен статус на бecправно изградени објекти и Предлог – законот за отпис на камати и репрограмирање на долгови и трошоци на јавни претпријатија, по скратена постапка, во второ читање, како и Предлог-законот за изменување и дополнување на Законот за финансиска полиција, се на дневниот ред и на двете седници на Законодавно-правната комисија.
Членовите на Законодавно-правната комисија ќе расправаат и по Предлог на закон за изменување и дополнување на Законот за игрите на среќа и забавните игри, по скрaтена постапка, во второ читање.
На агендата на седницата на Комисијата за труд и социјална политика се Предлог закон за cпрeчување и зaштита од нacилство врз жените и семејното нacилство, во прво читање, Предлог – законот за дополнување на Законот за исплата на платите по скратена постапка, во второ читање, како и предлог-законите за изменување и дополнување на Законот за социјална сигурност на старите лица и на Законот за материјално обeзбедување на нeвработените лица поради приватизацијата на претпријатијата со доминaнтна сопственост на државата, по скратена постапка, во второ читање.
Како што е најавено, во собраниската Охридска сала свечена изјава пред претседателот на Собранието, Талат Џафери ќе даде Арбер Исаку, член на Советот на Јавни oбвинитeли.
