Приватната болница „Аџибадем Систина“ соопшти дека ќе го преземе лекувањето на Лазе Најдовски кој поради новата болест е во многу лоша состојба и изминатице неколку дена бараше финансиска помош во форма на донации за да може да се лекува. Од болницата исто така истакнуваат дека се подготвени да го покрие лекувањето на сите деца до 18 години кои се болни од оваа болест.
„По апелите во јавноста за помош на Лазе Најдовски, чија ситуација се влошува како последица болеста, Клиничката болница „Аџибадем Систина“ е подготвена да го преземе неговото лекување. Нашата болница ќе направи се што е потребно за неговото здравје.
Дополнително ве известуваме дека „Аџибадем Систина“ е подготвена да го покрие лекувањето на сите деца до 18 години кои се болни од оваа болест“, стои во објавата.
Д-р Владимир Чадиковски, специјалист по детска хирургија и супспецијалист по детска кардиохирургија, оваа информација ја потврди на својот Твитер профил. Тој напиша дека целиот детски тим кој брои повеќе од 200 членови, е спремен да им помогне.
Досега само болницата Козле, од средина на месец јуни, функционираше како Центар во кој се лекуваат деца и пациенти со оваа болест.
