Хунтата на власт продолжува со малтретирање на граѓаните кои мислат поразлично од нив. По затварањето на редица локали и бизниси низ Скопје и полициската интервенција против граѓаните кои сакаа мирно да протестираат пред МНР по повод пристигнувањето на грчкиот МНР Коѕијас, денес, партиската полиција на СДС од СВР Штип со уште една провокација
Имено, на денешен ден се одбележува смртта на еден од најголемите Македонски револуционери и дејци на македонската кауза, Тодор Александров. По тој повод македонските патриотски здруженија имаа организирано панихида на неговиот гроб, за што и самоиницијативно имале организиран превоз.
Од СВР Штип, по наредба на партиските војници, комбето во кое се превезувале членовите на МПЗ „Андон Лазов Јанев – Ќосето“ било запрено, а потоа без оправдана причина однесено на технички преглед. Целта на ваквата постапка е предизвикување тензии и инциденти, за што подоцна би биле обвинети патриотските здруженија, се сомнева претседателот на МПЗ „Андон Лазов Јанев – Ќосето“ Горан Ангелов.
