Лидерот на Алијансата за Албанците, Зијадин Села, ја осуди одлуката на судот да го пушти на слобода Бобан Илиќ, кој беше обвинет за смртта на четиригодишниот Алмир од Куманово. Села побара од министерот за правда Билен Салији веднаш да превземе дејствија во правец на враќање на Илиќ во затвор. Во спротивно, тој побара министерот да си поднесе оставка.
– Не ни требаат јавни писма од обвинителите за тоа што правеле или како биле настроени, имаме потреба истите веднаш да покренат постапка за затворање на убиецот, кој веднаш по пуштање од затвор, му се закани по животот на еден новинар. Тие ова треба да го сторат не по етничка линија, туку како морален чин и предводени од почитување на правото и ако навистина веруваат во правдата на оваа држава и со тоа Бобан Илиќ повторно да се врати каде што му е местото, во затвор – рече Села.
