Во завршниот збор за судењето за настаните на 27 април, обвинителката Вилма Рускоска бара судот да ги прогласи за виновни сите 16 обвинети за упадот во Собранието.
–Обвинителството докажа дека на 27 април 2017 година беше извршен организиран напад во Собранието, рече Рускоска, додавајќи дека нападот не бил класично учество во толпа, туку организиран напад од обвинетите, или од оние кои не се појавија на судење поради амнестијата.
-Водејќи ја оваа постапка, очекувам во судница да седнат и организаторите на нападот, рече на крај обвинителката.
Рускоска додаде дека обвинението не е политички прогон ниту резултат на политички реваншизам и дека кај сите граѓани настанот предизвикал страв и несигурност.
Судењето продолжува во понеделник (4. февруари) со завршни зборови на одбраната.
