Децениските пискотници и перење на мозок кој како центрифуга го правеа соросоидните медиуми, обвинувајќи дека во Македонија имало „заробена држава“, немало слобода на говор, мисла и изразување, истовремено плукајќи, навредувајќи и заканувајќи се на сите нивни неистомисленици
Неполни пет месеци по доаѓањето на власт на опцијата која жестоко ја поддржуваа истите овие медиуми, главно финансирани од Сорос и УСАИД, конечно започнаа да ги чувствуваат првите знаци на стегите кои хунтата ги наметнува врз медиумите.
Прв за ова проговори новинарот Борјан Јовановски, инаку уредник и сопственик на портал кој важи за силен поддржувач на социјалдемократите.
„Драги социјалдемократи ич не се мачете да не дотепате. Уморни сме после 10 години тортура. Сами ќе се повлечеме“ – стои во објавата на Борјан Јовановски, обзнанувајќи ја поразителната вистина дека теророт врз медиумите всушност започна по доаѓањето на социјалдемократската хунта на власт.
Останува дилема дали ваквата реакција на Јовановски е поради кратењето на финансиските средства за неговиот медиум, додека во исто време се врши дотур на финансиска помош во други „послушни“ медиуми, како метод на ставање под контрола. Кај едните со давање на пари, кај другите со кратење на средствата.
А, толку голем беше ентузијазмот кај Јовановски дека дошла „слобода за медиумите“.
