Со малку труд ќе добиете превкусен ручек!
СОСТОЈКИ:
3 главици кромид, 1 главица кисела зелка, 500 гр мелено месо, 100 гр ориз, 2 лажици маст, 1 јајце, 2 дл кисела павлака Пекабела, 2 дл млеко, 2 жолчки, сол, бибер.
НАЧИН НА ПОДГОТОВКА:
Кромидот ситно исечкајте го и пропржете го на 1 лажица маст па додајте кисела зелка исечкана на парчиња. Добро пропржете. Останатиот кромид пропржете го со мелено месо, зачинете со сол, бибер и сув зачин.
Оризот измијте го, сварете го и изладете го.
Прженото месо изладете го, додајте 1 јајце, измешајте. Намастете керамички сад. Во садот наредете ред зелка, месо и ориз. Завршете со зелка.
За прелив измешајте кисела павлака и млеко со 2 жолчки па прелијте ја муската.
Печете на 225 степени додека убаво не се запече.
Добар апетит!
