Сè почести стануваат најавите од експертите и овој пат и соопштенија на властите за воведување на задолжителна редовна воена служба. Апелите доаѓаат од припадници на Министерството за одбрана, а Армијата вели дека касарните веќе се подготвуваат за прием на потенцијален редовен воен рок, доколку државата одлучи повторно да го воведе.
Она што се споменува како приближен рок е следната година.
Воените аналитичари ја „прочитаа“ оваа вест за регрутите да бидат претежно дел од копнени единици, односно пешадија, а целата „работа“ за враќање на задолжителната воена служба ќе не чини од 100 до 150 милиони евра, што сепак државата може да си го дозволи.
- Регрутите би го нашле своето место во сите родови, но секако најголем фокус би биле копнената армија односно пешадијата. Тие таму би изведувале основна пешадиска обука и понатаму би оделе во согласност со планот – вели воениот аналитичар Владе Радуловиќ.
Иако е тешко да се каже кога овој систем може повторно да се воспостави, Радуловиќ смета дека тоа не може да се случи пред 2022 година. Големото прашање е дали обуката ќе трае шест, три месеци, како порано, но тој е убеден дека може да биде пократок, можеби само еден месец.
- Во моментов се прави студија во ресорното министерство, и сè зависи од одредени логистички и финансиски прашања и усогласување со Уставот и другите документи – објаснува тој.
