Портпаролот на Стејт департментот Џон Кирби на вчерашната редовна прес-конференција изјави дека САД се загрижени поради зголемените политичките тензии во Македонија по парламентарните избори на 11-ти декември
– Ние сме загрижени поради зголемените политичките тензии во Македонија по парламентарните избори на 11-ти декември и ја осудуваме провокативната реторика од некои политички лидери, напаѓајќи ги демократските институции и амбасадорите акредитирани во Македонија. Ги повикуваме политичките лидери да престанат со нападите, да ги почитуваат демократските процеси и да дозволат формирање на кредибилна и стабилна влада, посветена на владеењето на правото, одговорноста и основните слободи. САД се подготвени да и помогнат на една таква влада за да се постигне долгорочната цел за евроатлантска интеграција, рече портпаролот на Стејт департментот Џон Кирби.
Коментарот е очигледна реакција на ставот кој го пренесе претседателот на ВМРО-ДПМНЕ Никола Груевски за време на викендот, велејќи дека некои дипломати во Македонија се вмешуваат во внатрешните рабти и политика. Груевски и амбасадорот на САД Џес Бејли имаа средба овој викенд, што резултираше со соопштение во кое ВМРО-ДПМНЕ порача дека „улогата на Амбасадорот е да ја следи ситуацијата во земјата и да ја информира сопствената за настаните“, потоа му се „заблгодари на Бејли за неговата работа и одржувањето на политичкиот дијалог досега“ – пренесува МИА.
Поддржувачите на ВМРО-ДПМНЕ, кои се собраа пред Државната изборна комисија за да го одбранат изборниот резултат од фалсификат во корист на СДСМ, носеа и транспаренти на кои му порачаа на Бејли да си оди од Македонија, а во меѓувреме посакуваа добредојде на Трамп. „Трамп, те сакаме“, пишуваше на еден транспраент – пренесува МИА – Бејли исто така беше соочен со критика на социјалните мрежи, на кои се појавија монтирани фотографии со несоодветна содржина.
